AM RU

Ի՞նչ է խոստացել Իսպանիայի վարչապետը Փաշինյանին

loading...
 

Իսպանիան նպաստելու է Հայաստանի և Եվրոպական Միության միջև կապերի ամրապնդմանը։

 

Իսպանիայի վարչապետ Մարիանո Ռախոյը շնորհավորել է հայ գործընկեր Նիկոլ Փաշինյանին վարչապետի պաշտոնում ընտրվելու կապակցությամբ և հույս հայտնել, որ Երևանի և Մադրիդի լավ հարաբերությունները կշարունակվեն։ Այս մասին հայտնում է ՌԻԱ Նովոստին` հղում անելով Փաշինյանին ուղղված Ռախոյի շնորհավորական հեռագրին։

«Համոզված եմ, որ նոր ժամանակներում Իսպանիան և Հայաստանը կշարունակեն փոխըմբռնման և համագործակցության նախկին ոճով զարգացնել լավ ու ջերմ հարաբերությունները մեր երկու ժողովուրդների միջև», – գրված է Ռախոյի հեռագրում։

Ռախոյի խոսքով` Մադրիդը խոստանում է նպաստել Երևանի և ԵՄ միջև կապերի զարգացմանը։

 

Հիշեցնենք, որ ընդդիմադիր գործիչ Նիկոլ Փաշինյանը մայիսի 8-ին ԱԺ հատուկ նիստում ՀՀ վարչապետ ընտրվեց

Աղբյուրը՝ armeniasputnik.am